चौधरीको कद

महाउद्योगपती बिनोद चौधरी यसपाली पनि 'फोर्ब्सिनु' भा'छ । "के भन्यो ए !" भनेर फोर्ब्सिनुको अर्थमा अलमल नहुनुहोला । फोर्ब्सिनु माने फोर्ब्स भन्ने अमेरीकी म्यागेजिनको लिस्टमा 'लिस्टिनु' हो । फेरी "लिस्टिनु भन्या चै के ?" भन्नु होला । यो चै "लिस्ट भन्ने अंग्रेजी सब्दलाई नेपाली व्याकरणको नियम अनुसार इनु प्रत्यय लगाएर बनाएको सब्द हो । लिस्ट + इनु बराबर लिस्टिनु । अर्थ सुचिकृत हुनु । भन्नाले चौधरीज्यु यसपाली फोर्ब्स म्यागेजिनको अर्वपती सुचिमा सुचिकृत हुनुभएको छ । यानकी लिस्टिनु, फोर्बिनु भएको छ ।

भन्नु होला -" अनि किन चलनचल्तीका शब्दहरु प्रयोग नगरेर नयाँ नयाँ सब्द उत्पादन गरिरहेका छस् ?"

म भन्छु कि सब्द फ्याक्ट्री चलाउनु मेरो रुचिको बिषय होइन । फ्याक्ट्री, उत्पादन, बिक्री वितरण, नाफा घाटा, भ्याट आदीकुरा चौधरीज्युकै फिल्ड र रुचिका कुरा हुन् । तै पनि म कसको बारेमा लेखिरहेको छु भन्ने बोधले यस्ता 'फ्रेस' सब्द उत्पादन गरेको हुँ । उहाँ जस्तो महामानवलाई चलनचल्तीमा रहेका । अरुमा नै प्रयोग भैसकेका । अरुले नै प्रयोग गरिसकेका सब्दहरु प्रयोग गरेँ भने म जस्तो बेसोमतिलो मान्छे यो संसारमा को होला ? एउटा देवतालाई चढाईसकेको फूल अर्को देवतालाई त चड्दैन भने लाखौ मानवमाथी प्रयोग भैसकेका सब्दहरु उहाँजस्तो महामानव माथी फ्याँक्नु मेरो सानो मुर्खता हुनेछैन । र त्यो अनुशासनहिनताको हद हुनेछ । त्यसैले यसलाई रहर नभई बाध्यता भनेर बुझुम् ।


खासमा उहाँ पोहोर जस्तै यसपाला पनि फोर्ब्सिनु भयो । कम्ता खुसी लागेन । चन्द्र धरातलमा निल आर्मस्ट्रङको पदार्पण हुदाँ अमेरिकी जनता के गर्वले फुलेका थिए होलान र ? फोर्ब्स धरातलमा उहाँको पदार्पण हुँदा हामी नेपाली त्यति गर्बले फुलेम् । अँ ! पोहोर जब उहाँ पहिलो पटक फोर्ब्सिनु भो । एक्कासी उहाँको उचाई यसरी बढ्यो कि सुरुरुरु उँभो लागेर बादल चुम्न पुग्यो । बादल सम्म त देख्या हो बादलमा छिरिसकेसी उहाँको उचाई कहाँ पुग्यो छेकिएर देख्न सकिएन । त्यसैले उहाँको उचाई यहाँ म किलोमिटरमा उल्लेख गर्न असमर्थ छु । यसको बैज्ञानिक अनुसन्धान भएर उहाँको बास्तविक उचाई त पत्ता लाग्ला नै ।

उहाँको फोर्ब्साईले हामी आम मान्छे यति खुसी र गौरवान्बित भएम् कि त्यो अभिब्यक्त गर्ने क्षमता नै कसैमा भएन । आखिर गर्ने पो कसरी ? त्यो कुन शब्द होला ? जसले उहाँको फोर्ब्साईबाट उत्पन्न खुसी र गौरबको भावलाई उठाउन सकोस र त्यसलाई बर्णन सकोस । अब पौराणिक महादेव कै त बर्णन गर्न चार टाउका भएका ब्रम्हाजी र हजार जिब्रा भएका शेषनागले समेत सक्दैनथिए भने । उहाँ जस्ताको फोर्ब्साईको बर्णन गर्ने क्षमता कसमा हुनु ? केवल उहाँमै बाहेक ।

Comments

Popular posts from this blog

रुम नम्बर ट्वान्टी फाइभ